Tryllespel -å utforske, spore av frå og spinne vidare på det improviserte førespelet på hardingfele

Gro Marie Svidal

(NO) "Tryllespel – å utforske, spore av frå og spinne vidare på det improviserte førespelet på hardingfele" er eit doktorgradsprosjekt i kunstnarleg utviklingsarbeid, innan norsk folkemusikk, gjennomført ved Norges Musikkhøgskole i perioden 2021-2025. I prosessen som har utfalda seg gjennom prosjektet, har hardingfelespelar Gro Marie Svidal fletta saman element frå sin eigen hardingfeletradisjon med idear henta frå møter med utøvarar og komponistar i andre tradisjonar. Med improvisasjon som metode, har ho søkt etter å skape musikk med ein folkemusikalsk individualitet og ein personleg identitet. Nøkkelen har vore å ta utgangspunkt i førespela på hardingfele. (EN) "Tryllespel - To explore and remodel the Hardanger fiddle music’s improvised preludes" is an artistic research project, situated in the Norwegian folk music field, and carried out at the Norwegian Academy of Music from 2021 to 2025. During the process unfolded through the project, Hardanger fiddle player Gro Marie Svidal has combined elements from her own Hardanger fiddle tradition with ideas gained from meetings and collaborations with a selection of performers and composers from other traditions. Using improvisation as a method, she has searched for making music with a folk-musical individuality and a personal identity. The key has been to start from the Hardanger fiddle music’s preludes. The exposition is written in Norwegian.

Å tynne ut

I samspel erfarte eg det melodibasterte materiale mitt svært tettpakka med informasjon, og i solospelet leita eg etter materiale til bruk i lange improvisasjonar som kunne bidra til variasjon og utvikling. Eg byrja sjå på slåttemotivet med nye auge. Eg skilde ut særtrekka, nokre av bestanddelane i slåttemotivet, som eg deretter kunne nytte som ein eigen del i ein improvisasjon.

Eg delte slåttemotivet inn i ornament, ristetak, dobbeltgrep (harmoniske intervall), og rørleg intonasjon.

Ornamentet kan eg nytte på ulike måtar. Eg kan variere talet slag i ornamentet, eg kan flytte det rundt mellom tonar, eller nytte det som utsmykking på enkelttonar.

Ristetak kan flyttast rundt på ulike stadar av instrumentet, ha fallande eller stigande karakter, ulik rytme, ulikt tempo, gjennomførast på ein, to eller tre tonar.

Dobbeltgrep likar eg å nytte slik dei førekjem i tradisjonelle førespel; tilsynelatande vilkårleg utan spesiell rekkefølgje, plassert delvis som mønster kring på instrumentet. Ofte vel eg intervall som på ein eller annan måte kan representere fargane i felestillet.

Rørleg intonasjon kan eg nytte i melodisk materiale der det er tettare mellom tonane. Det vert som ein liten ekstra nyanse, i blant nesten usynleg til stades.

I øvingsopptaket under nyttar eg først eit strekk der eg jobbar med ornament, så eit strekk med ristetak, så eit strekk med dobbeltgrep og til slutt eit forsøk på rørleg intonasjon.

← →

Tip

Tip