Tryllespel -å utforske, spore av frå og spinne vidare på det improviserte førespelet på hardingfele

Gro Marie Svidal

(NO) "Tryllespel – å utforske, spore av frå og spinne vidare på det improviserte førespelet på hardingfele" er eit doktorgradsprosjekt i kunstnarleg utviklingsarbeid, innan norsk folkemusikk, gjennomført ved Norges Musikkhøgskole i perioden 2021-2025. I prosessen som har utfalda seg gjennom prosjektet, har hardingfelespelar Gro Marie Svidal fletta saman element frå sin eigen hardingfeletradisjon med idear henta frå møter med utøvarar og komponistar i andre tradisjonar. Med improvisasjon som metode, har ho søkt etter å skape musikk med ein folkemusikalsk individualitet og ein personleg identitet. Nøkkelen har vore å ta utgangspunkt i førespela på hardingfele. (EN) "Tryllespel - To explore and remodel the Hardanger fiddle music’s improvised preludes" is an artistic research project, situated in the Norwegian folk music field, and carried out at the Norwegian Academy of Music from 2021 to 2025. During the process unfolded through the project, Hardanger fiddle player Gro Marie Svidal has combined elements from her own Hardanger fiddle tradition with ideas gained from meetings and collaborations with a selection of performers and composers from other traditions. Using improvisation as a method, she has searched for making music with a folk-musical individuality and a personal identity. The key has been to start from the Hardanger fiddle music’s preludes. The exposition is written in Norwegian.

Craftmanship

Parallelt med mitt eige stipendiatprosjekt, har eg tatt del i Craftmanship (2019-2024), eit forskingsprosjekt i kunstnarleg utviklingsarbeid leia av Kjell Tore Innervik og Håkon Høgemo. Eg var med i ei arbeidsgruppe beståande av Innervik, Høgemo og Silje Onstad Hålien som møttest til workshops, presentasjonar og konsertar. Gruppa arbeidde både saman, i trio, i duo og solo.

Med utgangspunkt i 20 hardingfeleslåttar frå Sogn, undersøkte prosjektet handverkselement i hardingfelepraksisen. Dette er djup kunnskap, eit resultat av handverksmessige ferdigheiter og taus kunnskap. Prosjektet ønskte å verbalisere ferdigheitene og kunnskapen, som vanlegvis vert formidla som subtile hint og metaforar, og slik revitalisere overføringa av kunnskap til nye generasjonar.

Craftmanship var finansiert av Program for kunstnarisk utviklingsarbeid (PKU) og Arne Nordheim Senter ved Norges Musikkhøgskole. Prosjektet vart avslutta hausten 2024. Ei framstilling av prosjektet kan du lese her.

Solobidraget mitt til prosjektet kan du lese her.

← →

Tip

Tip

Craftmanship